नेकपा एमाले

मुहम्मद रिजवान अन्सारी

सर्लाही- २ वाट संविधानसभामा प्रतिनिधित्व गर्ने मुहम्मद रिजवान अन्सारी व्यवस्थापिका-संसदमा पनि नेकपा एमालेका तर्फवाट मनोनीत हुनुहुन्थ्यो। उहाँको राजनीतिक जीवन २०४४ सालवाट नेकपा-मानन्धरको सदस्यको रुपमा शुरु भएको हो। उहाँ २०४८ देखि नेकपा-एमालेमा हुनुहुन्छ र सोही पार्टीको तर्फवाट २०५१ र २०५६ मा संसदको उम्मेदवार हुनुहुन्थ्यो। अन्सारी हाल एमाले अञ्चल कमिटिका सदस्य हुनुहुन्छ।

दुई छोरीका पिता अन्सारी आफूलाई जनताले प्रतिगमन विरोधी आन्दोलन र गणतन्त्रप्रतिको प्रतिबद्धताको कारण विजयी बनाएको ठान्नुहुन्छ। आर्थिक समानता,शिक्षा-स्वास्थ्यको ग्यारेण्टी र राज्यमा अल्पसंख्यकको समावेशी एवम् समानुपातिक प्रतिनिधित्व संविधानसभामा उहाँको मुख्य एजेण्डा हो । उहाँ मुस्लिम इत्तेहाद समुहका उपाध्यक्ष हुनुहुन्छ।