नेकपा एमाले

देवी लाल थापा

जुम्ला, महत गाविसका ४६ वर्षीय देवीलाल थापा समानुपातिक तर्फ नेकपा-एमालेका सभासद हुनुहुन्छ। २०४८,२०५१ र २०५६ का तीनवटै संसदीय निर्वाचनहरुमा जुम्ला क्षेत्र नं.१ बाट उम्मेदवार रहेका थापा २०५६ को चुनावमा सांसद चुनिनुभएको थियो। त्यसै क्रममा उहाँ व्यवस्थापिका संसदको सदस्य समेत रहिसक्नुभएको छ। २०३५ सालमा नेपाल मजदुर किसान पार्टीबाट राजनीति प्रारम्भ गरेका थापा नेमकिपा दाङ जिल्ला सदस्य र सो पार्टी सँग सम्बद्ध नेपाल क्रान्तिकारी विद्यार्थी संघका केन्द्रीय सदस्य समेत हुनुहुन्थ्यो। उहाँले २०४७ सालमा नेकपा-एमाले प्रवेश गर्नुभएको हो। त्यसपछि उहाँ एमालेका दाङ जिल्ला सचिव रहँदै आउनुभएको छ। 

२०४१-४३ मा राजकाज मुद्दा अन्तर्गत जुम्लामा र २०४४-४५ मा शान्ति सुरक्षा ऐन अन्तर्गत कालिकोटमा जेल जीवन विताएका थापाले एस.एल.सी. सम्मको अध्ययन गर्नुभएको छ। २ छोरा, १ छोरीका पिता थापा कृषि पेशामा हुनुहुन्छ र समाजसेवामा रुचि राख्‍नुहुन्छ। उहाँका कविताहरु विभिन्न पत्रपत्रिकामा प्रकाशित हुँदै आएका छन्। संविधानसभामा उहाँले प्राथमिकतासाथ उठाउने अठोट गरेका मुद्दा हुन्- क. राज्यको पुनः संरचना गर्दा कर्णालीलाई मूल धारमा पार्ने वा विकसित गर्ने विशिष्‍ट प्रस्ताव ल्याउने, ख. कर्णालीका पाँच जिल्ला र तीसँग मिल्ने क्षेत्रहरुलाई मिलाएर कर्णाली प्रदेश बनाउन जोड दिने।