नेकपा एमाले

प्रकाश पाख्रिन

सर्लाही क्षेत्र नं. १ बाट निर्वाचित प्रकाश पाख्रिन नेकपा-एमालेका  सभासद हुनुहुन्छ। ५० वर्षय पाख्रिन आफ्ना बुबा हर्कमान पाख्रिनबाट प्रेरित भई २०४६ सालदेखि राजनीतिमा आवद्ध हुनुभएको हो। यसबीच उहाँले पार्टीको गाउँ कमिटी सदस्य, इलाका इन्चार्ज र प्ररायुसंघ जिल्ला कमिटी सदस्यको जिम्मेदारी बहन गरिसक्नुभएको छ। सभासद पाख्रिन हाल एमाले सर्लाही जिल्ला सल्लाहकार समिति अध्यक्ष हुनुहुन्छ। राजनीतिक यात्राका क्रममा उहाँ पटक पटक पक्राउ र हिरासतमा पर्नुभएको छ। 

एसएलसी सम्मको अध्ययन गरेका पाख्रिन २ छोरा, २ छोरीका पिता हुनुहुन्छ। कृषि उहाँको पेशा हो र समाजसेवा रुचिको क्षेत्र। उहाँ जनप्रिय युवा क्लवसँग आबद्ध हुनुहुन्छ। यसअघि कुनैपनि संसदीय निर्वाचनमा उम्मेदारी नदिएका पाख्रिन नयाँ नेपालको नयाँ संविधान तयार पार्न जनजातिको प्रतिनिधित्व आवश्यक भएको र त्यसमा आफूले जनताको भावना मुखारित गर्न सक्छु भनेर उनीहरुले संविधानसभामा जिताएको बताउनुहुन्छ। संविधानसभामा उहाँले प्रमुखतासाथ उठाउने निश्चय गरेका मुद्दा हुन्- क. दलित, जनजाति, मधेसीबीच सौहार्द र एकता कायम गर्ने, ख. जनजातिलाई हेपिएको अवस्थाबाट सम्मानजनक अवस्थामा पुर्‍याउने।