मधेशी जनअधिकार फोरम, नेपाल

चन्द्रिकाप्रसाद यादव

चन्द्रिकाप्रसाद यादव मधेसी जनअधिकार फोरमबाट संविधानसभामा समानुपातिक तर्फ बिजयी हुनुभयो ।

चन्द्रिकाप्रसाद यादव ४६ बर्षीय यादव २०४३ सालदेखि राजनीतिमा सक्रिय हुनुभएको हो । २०४३ सालमा उहा रुपन्देही पोखरभिन्डी गाविसको प्रधानपञ्चमा निर्वाचित हुनभएपछि नै राजनीतिमा लाग्नुभएको हो ।
सामान्य राजनीतिक कार्यकर्ताको रुपमा रहेका यादव २०५४ सालको स्थानीय निर्वाचनमा एमालेबाट पोखरभिन्डी गाविस अध्यक्षमा लडनुभयो । तर विजयी हुनुभएन ।
त्यसपछि यादवले एनजीओ खोल्नुभयो । २०५५ सालमा आफै अध्यक्ष भएर वहुउद्देस्यीय विकास सेवा संस्था रुपन्देहीको स्थापना गर्नुभयो । सो संस्थाले शिक्षा, स्वास्थ्य , समावेशीकरणको क्षेत्रमा रुपन्देहीमा विभिन्न कार्यक्रम गरिरहेको छ ।
अंग्रेजी र राजनीतिक शास्त्रमा स्नातकसगै बीएल उपाधि पनि लिएका यादवसग यदाकदा वकालत गरेको अनुभव पनि छ । संविधानसभामा मधेसका समस्या र समावेशीकरणका मुद्दालाई बलियोसग उठाउने उहाको संकल्प छ ।