राष्ट्रिय जनशक्ति पार्टी

प्रकाश चन्द्र लोहनी

राष्ट्रिय जनशक्ति पार्टीको सह अध्यक्ष डा. प्रकाशचन्द्र लोहनी २०२७ साल देखि राजनीतिमा सक्रिय हुनुहुन्छ । तत्कालिन पंचायति व्यवस्थामा वि.स. २०२७ सालमा स्नातक गरेकाहरुबीच निर्वाचन हुने कोटाबाट राष्ट्रिय पञ्चायत सदस्यमा लोहनी निर्वाचित हनुभएको थियो ।

उहा प्रजातन्त्र पुनस्थार्पना पछि २०४८ र २०५१ सालमा भएको संसदीय निर्वाचनमा नुवाकोट क्षेत्र नम्बर १ बाट निर्वाचित हुनुभयो भने २०५६ सालको प्रतिनिधि सभा निर्वाचनमा झिनो मतले पराजित हुनुभयो । अर्थशास्त्रमा विद्यावारिधि हासिल गर्नुभएका लोहनी २०४१ सालमा एसियाली विकास बैंकको अध्यक्ष हुनुहुन्थ्यो ।
उहाले सन् १९९५ र ९६ मा नेपालको नेतृत्व गर्दै संयुक्त राष्ट्रसंघको साधारणसभामा भाग लिनुभएको थियो । २०३९ सालमा अर्थमन्त्री भएका लोहनीले प्रजातन्त्र प्राप्ति पछि २०५२ सालमा परराष्ट्रमन्त्री र २०५४ सालमा कृषिमन्त्रीको जिम्मेवारी पनि निर्वाह गर्नुभयो भने २०५९ सालमा फेरी अर्थमन्त्री बन्नुभयो ।
समाजसेवामा रुचि भएको बताउने लोहनीले संविधानसभामा आर्थिक सुधार र राजनीतिक स्थिरताको मुद्यालाई प्रमुख रुपमा उठाउने बताउनुभयो ।