नेपाल सद्भावना पार्टी

मालामति देवी राना

कैलाली, धनगढी निवासी मालमती देवी राना(थारु) समानुपातिक तर्फ सदभावना पार्टीका सभासद हुनुहुन्छ। पार्टीकी सक्रिय सदस्यका रुपमा परिचित उहाँ सुकुम्बासी उत्थान समाज लगायतका संस्थामा सामाजिक कार्यकर्ता भएर काम गर्दा गर्दै राजनीतिमा लाग्नुभएको हो। राजनीतिक सक्रियताका क्रममा वेलावेलामा पक्राउ परेकी रानाको रुचिको क्षेत्र समाजसेवा नै हो र उहाँ हाल पनि सुकुम्वासी उत्थान समाजका साथै सृजनशील महिला समाज र सम्झौता नेपाल नामक संस्थाहरुमा क्रियाशील हुनुहुन्छ।

४८ वर्षीया सभासद मालमती देवी राना थारुले एसएलसी सम्मको अध्ष्ययन गर्नुभएको छ। उहाँ छ छोरी र एक छोराकी आमा हुनुहुन्छ। राजनीति र समाजसेवा बाहेक कृषि उहाँको पेशा हो। यस अघि कुनै संसदीय चुनावमा उहाँले भाग लिनुभएको छैन। आफ्नो सक्रियता र विशेष गरी कमैया तथा सुकुम्वासीको हितमा निर्भीकता पूर्बक गरेको कार्यले आफूलाई संविधानसभामा पुर्‍याएको उहाँको ठम्याइ छ। नयाँ संविधानले भूमिहीन र पिछडिएकाहरुलाई न्याय दिने विश्वास राख्‍ने रानाले संविधानसभामा आफूले सुकुम्बासीको उत्थान र कमैयाहरुको पुनर्वासका मुद्दालाई विशेष प्राथमिकतका साथ उठाउने अठोट गर्नुभएको छ।