नेपाल सद्भावना पार्टी

राम नरेश राई

सदभावना पार्टीका सभासद रामनरेश राय(यादव) संविधानसभामा समानुपातिक तर्फबाट प्रतिनिधित्व गर्नुहुन्छ। सर्लाही निवासी ४५ वर्षीय रायले यस अघिका संसदीय निर्वाचनमा भाग नलिएको भए पनि राजनीतिक जीवन भने तीन दशक अघि २०३६ सालमै शुरु गर्नुभएको हो। २०३६ सालको ऐतिहासिक जनमत संग्रहमा बहुदलका पक्षमा सक्रिय रहेका राय जनमतमा वहुदलको हार भएपछि नेपाल युवक संगठन मार्फत पञ्चायती राजनीतिमा क्रियाशील हुनुभयो। २०४४ सालदेखि २०६४ सालसम्म उहाँ गाउँ पञ्चायतको प्रधानपञ्च देखि गाउँ विकास समितिको अध्यक्ष सम्म रहँदै अउनुभएको छ। आफूले लडेको निर्वाचन उहाँले हार्नुभएको छैन।  

हाल सदभावना पार्टीका केन्द्रीय सदस्य रहनुभएका रामनरेश राय यादव कृषि पेशामा संलग्न हुनुहुन्छ। उहाँका चार छोरा छन्। समाजसेवामा उहाँको विशेष रुचि छ। राय संविधानसभामा मुख्यतः समावेशी राज्य र दलित, आदिवासी, महिला तथा किसानको उत्थानको लागि आवाज उठाउने बताउनुहुन्छ।