राष्ट्रिय प्रजातन्त्र पार्टीका संस्थापक सूर्यबहादुर थापाले सन् २००४ को नोभेम्बरमा पार्टी परित्याग गरी सन् २००५ को मार्चमा नयाँ पार्टी राष्ट्रिय जनशक्ति पार्टी (राजपा) स्थापना गरे। सन् २००५ को फेब्रुअरीमा राजाले 'कू' गरेपछि सक्रिय राजतन्त्र र गणतन्त्रका बीचको अवस्थाको वकालत गरेर राजपाले आफूलाई दक्षिणपन्थी पार्टीको रूपमा प्रस्तुत गर्‍यो। सन् २००६ को नोभेम्बरमा केशरबहादुर विष्टले नेतृत्व गरेको प्रजातान्त्रिक नेपाल पार्टी राजपामा मिल्योस विष्ट राजपाका महासचिव बने।

सूर्यबहादुर थापा यस पार्टीका अध्यक्ष, प्रकाशचन्द्र लोहनी उपाध्यक्ष र बुद्धिमान तामाङ सचिव रहेका थिए। अन्य प्रमुख सदस्यहरूमा कमल थापा, हरिबहादुर बस्नेत, सर्वेन्द्रनाथ शुक्ल र रेणु यादव थिए। निर्वाचन अघि नै सर्वेन्द्रनाथ शुक्ल तमलोपा र रेणु यादव मधेशी जनाधिकार फोरम प्रवेश गरे । संविधानसभा निर्वाचनमा यस पार्टीले प्रत्यक्षतर्फ कुनै पनि सिट जित्‍न नसकेपछि पार्टीको केन्द्रीय समिति विगठन गरिएको छ।

राजपाले वि स २०६२ मा राजा ज्ञानेन्द्रको सरकारले आयोजना गरेको नगरपालिका निर्वाचन बहिस्कार गरेको थियो । यस पार्टीले संविधानसभा निर्वाचनमा तीन सिट जितेको छ।