सङ्घीय लोकतान्त्रिक राष्ट्रिय मञ्च जातीय आधारमा राई, लिम्बू र तामाङको प्रतिनिधित्व गर्ने समूहहरू सङ्घीय लिम्बुवान राज्य परिषद्, तामाङस्यालिङ स्वायत्त राज्य परिषद् र संयुक्त थारु राष्ट्रिय मोर्चाको प्रतिनिधित्व गर्ने छाता सङ्गठन हो। वि स २०६४ को पुसमा यो सङ्गठन राजनीतिक पार्टीका रूपमा दर्ता भएको थियो। यस मञ्चले राजतन्त्रको उन्मूलन, जातीय आधारमा पूर्ण समानुपातिक निर्वाचन र आत्मनिर्णयको अधिकारका पक्षमा आवाज उठाउँदै आएको छ। वि स २०६४ को संविधानसभा निर्वाचनमा यस पार्टीले उल्लिखित कुराहरूलाई पूर्वशर्तका रूपमा प्रस्तुत गरेको थियो। यस पार्टीले माओवादीले जस्तै जातीय आधारमा १३ वटा स्वायत्त क्षेत्रको प्रस्ताव गरेको छ।

यस मोर्चाले हरेक मोर्चा सङ्गठनबाट क्रमैसँग अध्यक्ष हुने व्यवस्थासहित आफूलाई सङ्घीय प्रजातान्त्रिक पार्टीका रूपमा परिभाषित गर्दछ। वर्तमान अध्यक्ष राई मोर्चाबाट कमल चराहाङ हुन्स उनी तामाङस्यालिङ स्वायत्त राज्य परिषद्का डी।के। बुद्धिष्टद्वारा प्रतिस्थापित हुनेछन्। खगेन्द्र माथिङ मञ्चका सचिव हुन्, महासति कुमार लिङ्देन अर्थ सचिव, सिङ्घुमान तामाङ कोषाध्यक्ष र रवीन्द्र थिङ प्रवक्ता हुन्। केन्द्रीय समितिमा २१ सदस्य छन्।

यस मोर्चाले वि स २०५६ को निर्वाचनमा जनमुक्ति पार्टीको नामबाट सहभागी भए पनि कुनै सिट जित्‍न सकेको थिएनस संविधानसभाको निर्वाचनमा भने यसले दुई सिट जितेको छ।