राष्ट्रिय जनमुक्ति पार्टी वि स २०४७ मा आदिवासी जनजाति नेता एम.एस. थापा (मगर) र गोरेबहादुर खपाङ्गीले स्थापना गरेका थिए। सुरुमा पार्टीको नाम नेपाल राष्ट्रिय जनमुक्ति पार्टी थियो। गोरेबहादुर खपाङ्गी राजा ज्ञानेन्द्रको शासनकालमा मन्त्री बनेका थिए, यस पार्टीको वर्तमान अध्यक्ष मालवीर सिंह हुन्।   राष्ट्रिय जनमुक्ति पार्टीको घोषणापत्रले एउटा केन्द्रीय सङ्घीय सरकार र क्षेत्रीय स्वायत्त सरकारको प्रस्ताव गरेको छ। सङ्घीय सरकारमा दुई वटा परिषद् रहनेछन्, राष्ट्रिय परिषद् जसले प्रतिनिधिसभाको रूपमा काम गर्नेछ भने राज्य परिषद् जसले माथिल्लो सदनको काम गर्नेछ। माथिल्लो सदनमा सबै स्वायत्त राज्यहरूबाट समानुपातिक आधारमा प्रतिनिधिहरू निर्वाचित हुनेछन्। पार्टीले सम्पूर्ण सीमान्तीकृत तथा सुविधाविहीन पारिएका समुदायहरूको लागि राज्यका सबै निकायहरूमा आरक्षणको प्रतिबद्धता जनाएको छ।  

यस पार्टीले संविधानसभामा दुई सिट जितेको छ। 

www.janamuktiparty.com